İstanbul şəhər Bələdiyyə sərdor Əkrəm İmamoğlu və çəy mətbuat katib Murad Onqun qətə bən.

Şəhəri Şişli Bələdiyyə sərdor Rəsul Emrah Şahan, Bəylikduzü Bələdiyyə sərdor Murat Çalık çe qətə xonəxon dılədəy.

De “Anadolu Aqentəti” doə məlumoti, prokuroron bələdiyyə sərdoron, əz cümlə ko odəmon və jurnaliston bə 100 kəsi dastqirəti barədə aspardəyon doəşone.

Bəvon, bə cinoyətko təşkilati rəhbərəti və uzvəti, de tars ome tələb karde, rışvə se, şəxsi məlumaton beğanun bə dast varde və tenderon nəticon saxta karde ittihomon doə bən.

İstanbul Sər Prokuratura həmən iddio kardə ki, İstanbul bələdiyyə sərdori de həniən əlidə xonəxon bə ico koy odəmonku məcburi pulon se ro ğanuniku bəkəno ğəzanc bə dastış vardə.
Əkrəm İmamoğlu 2027-minə sor Turkiyədə dəvardə Prezident səçınonədə muxalifəti əsos namizədi və Prezident Rəcəb Tayyib Ərdoğani əsos rəqib hisob bə.