Ozobiconədə iyunə manqi 26 – i çı pesoxtə keşvəri ləşkərəvonəti ruji id kardən. Ko bımədəy ki, bı idədə iqlə bınəyniyə xəlğon nımoyondon nomi əqət ni, nəən çəvon milli simvolonku qıləy rımuz dodənin. Ha ısət boy Tırkiyə pərçəm bənəy sıpəvəncini dəçıkə bı çımon pərçəmi yani.

Tolışon detobə ısətnə ruji bəsə dəşe zındənin ki, oxo ım odəmon bo çiçi jıqo bə Tırkiyə dətaspe holədə, tolışi, ləzqi, tati, avari, saxuri, lahıci, udini iyən çand qılə avtaxtonə xəlğon bo vindey çəşışon ni. Oxo Xərəboği canqədə mardə tolışon çe əmə de erməniyon neziətiku əməni esındınieyro əvoni bə çəmə çəş dənoydən. Parsedəm , kıve bəvədə çəvon nom, çe əvon milli simvolon bı idədə?

Tırkiyə çiçış kardə bı Ozobicon nomədə keşvəri, sovı bəy binim iyo bədəxlaqəti lonon donəş peşandə. Tırkiyə çe sioniston bo Ozobiconi səy tat kardə ove. Əvon bə İroni keşvəri vəynə ım keşvəri bə bızanqə lonə peqordonidən, çımi ziyoniyən iyo jiə soyə əjiyon bəvinden.

Əve iyunə manqi 26 – i bənəy keşvəri ləşkərəvonəti idi şoy – voy karde nə bo tolışone, nə bo tatone, nəən bo ləzqiyon həmən bo həmə iyo jiyə avtaxtonə xəlğon. Çəmə id bəvədə bəbe binim əmə kəynə ıştən dast, ıştən yəxə bəbemon. Xıdo rozi!

Boku – Lankon.

Sərdor Bunyadov.