Azərbaycan Respublikə iyən Erməniston dışambə ruji iyandışon mıştərəkə marzədə bə otəş mıttəhəmışon karde.

De TolishMedia informasiyə agentəti doə məlumoti, bə İSNA xəbəriyə mərkəzi nəğli əsosi İrəvan iyən Boku, Azərbaycan Respublikə 2023 sori sentiyabrə mangi hərbiyə əməliyoti bəpeştə Ğərəboği bə dast qşgəteyu, gıləy dəvom nıvardə sulh muzakirəndə hestin iyən gahən iyandı sərhədonədə bə otəşbəsi darışte mıtəhəm kardedən.

Azərbaycan Respublikə mıdofiə vəzorətxonə gıləy bəyonoti nəşr kardeədə elonış kardə marti 30-minə ruji de məntəğə vaxti əsosi saat 22:30 dəğiğəku tosə marti 31 saat 04:35 dəğiğə Ermənistoni silohinə ğıvvon Qoros, Besarkçar iyən Çombarkı səmto sıbıkə silohonku istifodə kardeədə çandə kərə bə Azərbaycan Respublikə silohinə ğıvvon tərəf otəşışon ğandə.

Im məsələ gıləy holədəy ki, Ermənistoni mıdafiə vəzorətxonə Azərbaycan Respublikə mıdafiə vəzorətxonə ittihomon rədd kardə iyən bərəks ım məmləkəti marzonədə bə otəş ğande mıttəhəm kardedə.