TolishMediə informasiyə agentəti muxbir Lankoniku xəbə doedə ki, Lankonədə jen de şuə dəm ğaziku tasən. Hodisə rayoni Kənoəvışə diədə gınə.

Apreli 1-də maştəvo çəvon meyt əvlodon tərəfo oşko kardə bə. 1978-minə sori təvəlludinə Elçin Məmmədov iyən çəy jimoni həmro – 1981-minə sori təvəlludinə Nərmin Əsədova dəm ğaziku tase muəyyən kardə bə.

Lankon rayoni prokuraturə doə məlumotədə de səhlənkorəti band cinoyət ko bino kardə be votə bedə. De çəvon əvlodon doə məlumati, həm Elçin Məmmədov, həm çəy jimoni həmro Rusiyədə jiən, 3-4 ruj bə nav de vəyə mərosimi əloğədor bə Azərbaycan omən. Im Azərbaycanədə dəm ğaziku tase band gınə hodisonədə gıləye.