TolışMedia informasiya agentliyi  xəbər verir ki, may ayının 13-də Cəlilabadda polislə sakinlər arasında atışma olub.  TolışMedia-nın bölgə müxbirinin verdiyi xəbərə əsasən, hadisə rayonun Xanəgah kəndində qeydə alınıb.

Məlumata görə, polis əməkdaşları Xanəgah kəndində yaşayan şəxslərin olduğu “Hundai” markalı avtomobili saxlayıb.

Saxlanılarkən maşının sürücüsü tabesizlik göstərərək polisin xidməti BMW markalı avtomobilinin güzgüsünü sındırıb. Bu zaman polis əməkdaşları havaya xəbərdarlıq atəşi açıb. Nəticədə avtomobil saxlanılıb və orada olan Şərur rayon sakini Mirkərim Seyidov, Yardımlı rayon sakini Tərlan Behbudov, Şəmkir rayon sakini Rəşad Sadıqov və Bakı şəhər sakini Anar Məmmədov tutulub.