Ölkәdә Türkiyә ordusunun hәmişәlik Azәrbaycanda qalması üçün aktiv tәbliğat gedir. Camaat arasında sorğu keçirdir, guya bunu xalqın istәyi kimi tәqdim etmәyә çalışırlar. Halbuki bu adamlar Rusiya hәrbi bazası әrazisindә olduğu üçün Ermәnistanı asılı ölkә adlandırırdılar. Özlәrinin mәntiqi ilә indi Azәrbaycanı da Ermәnistan kimi asılı ölkәyә çevirmәk istәyirlәr.

Amma burda bir incә mәsәlә var. Ermәnistan Rusiyadan asılılığından xeyir әldә edib. Bәs Azәrbaycan Türkiyәdәn asılılığından nә qazana bilәr?

Әn birincisi, bunu qeyd edim ki, Türkiyәnin Azәrbaycanda hәrbi baza yaratması NATO qoşunlarının Rusiya sәrhәdinә çıxması demәkdir. Ukrayna vә Gürcüstan da vaxtilә buna cәhd edirdilәr. Aqibәtlәri göz qarşısındadır. Siz yәni o qәdәr sadәlövhsüz vә inanırsız ki, Azәrbaycan NATO qoşunlarını Rusiyanın sәrhәdinә çıxardacaq vә Rusiya buna sakitcә baxacaq?!

Bu baş verәcәksә, Azәrbaycanın dövlәt kimi parçalanmasının başlanğıcı olacaq.
İkincisi, siz Azәrbaycanda yaşayan qeyri-türk xalqlardan soruşdunuz ki, onlar da sizin kimi Türkiyә ordusunun ölkәdә qalmasını istәyirlәr ya yox? Türk ordusundan tarixdә azmı çәkib bu xalqlar?! Belә çıxır ki, sabah talışlar, lәzgilәr dә kimi istәsә, çağıra bilәrlәr. Belә getsә, deyәsәn, elә o cür dә olacaq..

Rosta Merd.