Ozobiconi polisi bə əjiyon jıqo koroğ doy dey əvoni çe əvon hıtə yonqoədə peqəte qucili – qucili bə polisi xonə barde peştə ki mande barədə curəbəcurə sıxanon nəvedən. Ve odəmon çı jıqo kujiəti peştədə kobəsoni zuyon ya Tırkiyə mande barədə qəvbəpuri votedən.

Jəqonəy diə kardeədəy Ozobiconi ısətnəni hukumət hejo ım əjiyonış bə dastış dənoəşe, əvonış arıştəşe, bə odəmış zınəşni. Jıqo beşedə ki, bə Ozobiconi hukuməti hiç kəynə ım bexıxandə əjiyon lazim bıənin. Isətn ıştə qəvisə zırno noşone ki, filəğət çı koy peştədə kobəsoni kali zuon mandən, əve polison bə əjiyon kəon dəşedən, kəonədə jen xəyləğon de jinə olati kəşedən, çəyoən sosial loonədə pevılo kardedən.

Parsedəmon, bəvədə ım prezident, vitse prezident , hukuməti xonə bə kom vırə diə kardedən. Oxo ımon bəpe bə odəmon jimoni vir səğandon, çe əvon qərdəni kəşe roədə bıhəşon. Oxo odəmon mıjdiədə bə əvon pul co kardə bedə. Jıqo beşedə Ozobiconi əjiyon de ıştə cifi puli bo ıştə deşmen noğo doydən ya de ıştə puli ıştəni xar kardero həşedən

Xıdo bı jıqo hukuməti pand bıdo. Imsor çe əvon hukmətəti kardə orəxnə sor bıbo!

Tolish Media