De iğtasədəvon Qubad İbadoğlu fiki təbii öazi ğiyməton ros karde nezə vaxtonədə elektrik enerji inən ictimai nəqliyyatəda şe-omə boho bəkarde.

İyuni 30-də Tarif Şura iclas bə.

Onemoni iclasəda bə Devlət Nat Şirkəti (SOCAR) ovardemoni əsos ğərar qəbulış kardə.

Devlət Nat Şirkət bə Şura ovardeədə təbii ğazı həvatə ğiyməton ziyod karde təklifış kardə.

Ovardemonədə təbii ğazi tarifi tojədən diyə karde səbəb istehlaki ziyod be, ğaz təchizati əhatə dairə hovuj be inən abonenton hisob 18 faiz vey be ro xarcon ziyod be nuşu doə bə.

Tarif Şura təbii ğazi sori istehlak həcm tosə 1200 m3 bə hisi tarif deqışış kardəni bo ha 1 kubmetri 10 kopik oğətəşe. İstehlak bə ğazi 1200 – 2500 m3 hisi ro 1 kubmetr 20 kopik, 2500 m3-sə veu bə hisi 25 kopikiş kardə. In ğıyməton sənaye inən di təsərrüfatı müəssisonsə 5 kopik bahoe. Çın tarifonku ən vey ziyan 1200 kub metrisə ziyod istehlak kardə əhali qrup bəkəşe. Əvo n bənə navkonə tosə 2200 kub metr ğazi har kubi 10 kopik ne, 20 kopik bədon. Ğazi ğiyməti boho be elektrik enerji boho bəkarde. Holiədə elektrik stansiyon 85 faiz de ğazi ko kardə, boəvono ğıymət 1 kopik boho bə.: “Eyni ssenari bo Azərsuən tətbiğ katdə bə. Imon həmmə kommunal xarcon ziyod bəkarden, ələxsus əholi peş tofsoni.

De iğtasədəvon Natiq Cəfərli fiki Azərbaycanəda 1994-minə sori “Azəri-Günəşli-Çıraq” natə sazişi qorə, həmonə platformonəda bə dast vardə səmt ğaz bə azərbaycani bepul doə bedə. Platformada tosə 2020-minə sori , təqribən, 40-45 mlrd. m3 təbii ğaz bə SOCAR-i bepul doə bə .

“2021-minə sori iminə kvartalədə, yəni, yanvar-mart manqonədə Bp-i operatori tərəfo bə SOCAR-i 1 mlrd. m3 səmt ğaz bə. Bepulə ğazi ğıymətən sor bə sor ros kardə bedə.