Bə navkonə deputat, holədə dəstqirətiədə bə Nazim Bəydəmirli vəynə ittihom tikiən qon kardə bə. Əçe de tars ehaşte pul tələb karde iddio kardə bedə.

Bın barədə əçe vəkili Aqil Layıci məlumatış doə.
Navədə de Cinayət Məcəllə 182.2.4 (de tars ome tələb-karde, –xeyli miğdarədə əmlok bə dast varde məğsədi kardeədə) maddə taxsiko zınə bə navkonə deputat isət de Cinayət Məcəllə 182.2.2 (de tars ome tələb karde – təkror karxeədə) maddən ittihom bedə.

Nazim Bəydəmirli 1996-minə sorədə Rusiya Federasiya Lipetsk şəhərədə de tars ehaşte pul tələb karde iddio kardə bedə.

Əv ın ittihomon hiç qılə ğəbul kardə ni, ıştənı “ekologiya məhbus” hisob kardedə. Nazim Bəydəmirli Gədəbəyi Seyudlu diədə bə etirazin qorə dəstqir kardə be votedə.