“Prezident İlham Əliyevi oj kardə Azərbaycani ən yolə sənaye obyekt bə ın stansiyadə çımı kardə ranqjə kon puli dodənin. De kardə kon anqıl həmmə sübutonım hıste, kə, maşın – həmmə çiyonım həvatə, dırıs bankrot bəm, bə intihor karde hədd rəsəm ”.

In sıxanon bə Meydan TV- 2018-2019-minə sori AZİES-i dute-bərpo koonədə de subpodrati ranqə kon kardə “Yapsan” Şirkəti soyb Rəşad Şirinov votedə. Dəçe fiki “Elektro İndustries” Səhmdor Cəmiyyəti rəhbəron Kamil Əliyev de Vəlixan Şükürovi əvşon bə dast dənoə, müqavilə baste mane bən.

De Rəşad Şirinovi sıxani , 2018-minə sori oktyabrəda “Elektro İndustries” onemoni rəhbər Kamil Əliyev dıştə müavin Vəlixan Şükürovi əvşon bə Mingəçevir qamə Elektrik Stansiya dəvətşon kardə.

“Təklif kardə ko smeta qəteşon asparde. iIn koon, maşinə zal, 6 mərtəbəninə laboratoriya bina, inzibati bina, blok transformatoron, nasosxonon, ğazi tədarük inən ən əsos ranqə kon bin. Umumi məbləğ 2 milyon mənotisə vey be. müqavilə bastem piye, votşone bə ko bino bıkə müqavilə hozzo bəbe. Oktyabri 4-də de 600 fəhlə bə ko binom karde.. 2018-minə sori oktyabriku tosə 2019-minə sori apreli komon karde.

Ranqon, fəhlon olət, dıləqon, texnika çımələğ be. Bə ko yoliyəti Baba Rzayev boə kardə be. Ko bə səmon je, intadi nə müqavilə be , nəən pul.. Bəmı 1 milyon 700 həzo mənot ğarz mandin.

Rəşa bə rəhbərti kardə Emin Rzayevi əçe çokə dust be, bə çey sıxani bovə bə muqavilə çəhəl nınoe votedə.
Rəşad Şirinov votedə Emin Rzayevi hələ əvış nə məhkəmən doə, 50 həzo mənott cərimə ğərprşən se zınə.

Mingəçevir Qamə Elektrik Stansiyaku bə Meydan TV ın ko 2 qılə conəxo miyonədə bə hesebese bəvon aid nıbe inən məsələku bexəbə be votəşone.