Tolışon bə Ukraniya kaşiyon çoçəşin. Im çoçəşəçiyən bə qılə peştipurəti anqıle. Peştipurətimonən əve ki, Rusiya tarixi loədə bə tolışon vəynə kardə xəto tazisə bənoy. Tolışon ve peştıpurin ki, Rusiya ım pesoxtə keşvər bıə Azərbaycani vırə bəy nişo bədoy əvoni çı pantırkon dasto pebəroxniye.

Ukrayniədə ım faşistəti Boku hokumətədə de pantırkəti nomi tikəyən ve ovcış kardə. Pantırkəti çe anqlasakson bə İroni iyən bə Rusiya vəynə onə bıə ım dastqo Azərbaycani orəxnə titə bənoy. Ve odəmon hələən bəsə dəşe pişon niki , ım ko orəx bə kom vırə şedə.

Oxo ım ko dınyo dəsturon bə co vardero çe Rusiya iyən de həmə kobəson miyonədə bıə kaşiye. Im kaşi qirəm bə Rusiya ziyon bavardebu, bəvədə çı koy orəxi bə kom fayə rəse barədə bıfamənən. Rusiya hiç kəynə əhaştıni ki, Amerika ya Avropa boy çəy kəy dılədə yoliəti bıkə.

Xosə tolışon har çi de ıştə eçıni şedə. Şımənən bı koon çok vir səğandənən, ıştə sərpuşi pekırnənın bə ıştə sə, bə co kəson huşkə eməqınən. Im koon həmə de Rusiya bə həmə kobəsoni bac ome obərəxe. Bı koədə tolışon perəxe ro iqlə de Rusiya keşvəriye.

Xıdo bə Rusiya koməq bıbo!