Əli Şəmxani Iron Islam respublikə Rəhbərı nimoyəndə iyən milliyə əmniyətı ali mıovin bə Ğəfğaz məntəğə pılanı səfə çərçibədə İyolə mangi 7-minə rujədə de Ermənistonı milliyə əmniyətı şura mıovin Arman Grigoryani rəsmiyə dəvəti bə Erməniston şe.

Əv Ermənistonədə de agentətion mısohibədə ilon kardışe ki İronı 13-minə dovlətı xariciyə siyasətı barədə de məntəğəynə iyən həmsuə ulkəon əloğəon ozavziyero ve əhəmiyətine.

Əv ijən ilon kardışe ki de məntəğəynə ulkəon həmkoətion vəsilə məntəğədə sulh iyən sıbutı cəhdon ve muhimme iyən votdışe: bı səbəbe ki əmə formətoni bənə 3+3 himoyət kardedəmon.

Şəmxani ilon kardışe ki Boku iyən İrəvanı arədə muzakiron har dı ulkəon hifz karde çərçibədə məntəğədə zumandə sulh təşkil bəka.

İronı milliyə əmniyətı şura mıovin ilon kardışe: İron İslam Respublikə bə məntəğəynə geopolitikə har dəgişəti mığovumət nişo doydə.