Ostoro rayoni Arçon diədə dıştə xeyzoni bə ico vaqonədə jiə Aslan Qasımov 1 həfte veye dəstqir kardə bə. Əçe moə Rəvayət Qasımova 3-4 ruj əçe oğətə vırə, qəte səbəbi barədə hiç qılı məlumat se nızneş votə. Peşo, bəçe vəynə narkotik ittihom bə nav doə beşon zınə.

Aslan Qasımovi əvlodon əçe de narkotiki şər ğandə be votedən. Dəstqirəti əsl səbəbi 5-6 sor bə nav Kərbəlo ziyarətədə kəşə fotoşəkil bə.1979-minə sori təvəlludin Aslan Qasımov iyuni 21-də oğətə bə.

Əçe əvlodon bın əməli dəstqirəti ne, odəm dızdiəti votedən. Fəhlə ko kardə vırəku– tuli dılədə 10-15 kəs Aslanşon bardə. Bə Ostoro polis xonəxon şə Aslani moə dəçe noə hiç qılı məlumat doə bəni. Əyo dılədə noxəş bə 73 sininə Rəvayət Qasımova dıl bığətoən, polis rəis “ovrə noxəşxonə ni, şıməni mualicə bıkon” vote əvonış çəyo tojniə.
Aslani Rusiyadə jiə boə dıştə boə anqıl məlumat bə dast vardeş zınə. Dəçe umutə məlumati ruji bə 10-15 mənot fəhlə puli, vağonədə jiə Aslani qəte səbəb əçe subayəti vaxt Kərbəlo ziyarətədə de zəvvaron bə ico kəşə şəkil bə.
De “Mudafiə xətti” təşkilati pevolo kardə xəbə, oxonə manqonədə de narkotik ittihomi 500-sə vey dindor dəstqir kardə bə.