Şuşa rayoni ermənion jimon kardə dion de Stepanəkerti miyonədə requlyar avtobus reyson ıştə kooşon bərpo kardə . Har həftə dın marşruti de Rusiya sulhməramion muşaiyəti 2 reys bə jimon dəvonə bəbe. İyuni 24 inən 26-də sıftənə 2 reys be barədə xəbə “Kavkazskiy uzel” aqentəti pevoloş kardə.

Həmən de sulhməramiyon muşaiyəti təcili koməq maşinon bın dion şe bəznen, zərurət beədə noxəşiyon bə Stepanəkert mualicə bardə bəben.

Stepanəkerti çe Şuşa 4 erməni di miyonədə nəqliyyat əlaqə ponə sori zımostoniku – Laçın-Stepanəkert roədə, Şuşa şəhəri nezi, Azərbaycani psevdoekoloqon dıştə etiraz aksiya ro bastə bə peş oğətə bəbe.