“Beərhədə Təqibon inən Repressiya Ğıbonon Mudafiə Komitə” Almaniyaku deportasiya bə peş Azərbaycanədə dəstqir kardə bə fəal Samir Aşurovi jimoni həmro Nuranə Aşurovaya təzyiğı be barədə bəyonatşon pevolo kardə.

Bəyonatədə, Real Alternativ Hərəkati uzv olan Samir Aşurov Azərbaycanədə vey kərə bə inzibati dəstqirəti məruz mande, 2018-minə sorədə cinayət təqibiku bə Almaniyaya muhacirət karde votə bedə. Əyo ey, siyasi fəaliyyətış davom kardə, Azərbaycanədə inson huğuğon darışte vəynə etiraz aksiyonəş iştirak kardə. Azərbaycanədə təqib təhdidon bıbonən, Almaniya bey status doeku imtino kardə bə, 2022-minə sori martədə beynəlxalq konvensiyanın darışte, əv bə Azərbaycan deportasiya kardə bə.

Həmonə soriən əv, diktatori zıne aksiyadə fəal iştirakı kardə, aksiyada iştiraki qorə 30 sutka inzibati həbs cəzoş sə. Çimi nə peş Samir Aşurov bə siyasi məhbuson ozodəti aksiya təşkil karde qorə ikərən inzibati ğaydadə bə 2 manq mıddət dəstqir kardə bə.

Komitə pevolo kardə bəyonatədə, əlidə fəalon – Mutəllim Orucov, Cəfər Mirzəyev, Punhan Kərimli, Ziya İbrahimov, Emin Məlikov, Malik Rzayevən Almaniyaku deportasiya bə peş dəstqir kardə be ğeyd kardə bedə.