Iyunə manqi 30-ku sərnişinon Naxçivan istiqamətədə təyyarə bileti peydo karde nıbe bəyon kardedən.
Sərnişinon bileton dastədə de dəllalon vasitə bə bohoə ğıymət həvatə be votedən.

Milli Məclisi dopetat Fazil Mıstafo problem suni soxtə be votedə. Dəçe sıxani bə Naxçıvan həm hırdə təyyaron, həmən bileti ğıymət 60 mənot, siyo kəssə 20-30 mənot mənfəət kardə. Imən kame, çumçoko co reysonku siyo kəsdə ğəzənc bə 100-150 mənoti bərobəre.
Əv ın məsələ hokümət səviyyədə ciddi muzakirə bənine votedə.

“Azərbaycan Hava Yolları” kompaniyaku, AZAL sərnişinon Boku -Naxçıvan reyson tələbati dırıs bə vırə rosnie, bın istiqamətədə hiç sərnişin bebilet nımandeşon votə. Həmən Boku -Naxçıvan-Boku marşruti ro ha ruj reyson hesob 10-ku bə 12 rosniə be ğeyd kardə bə.