Avropa İnson Həxon Məhkəmə (AİHM) , iyuni 29-də de Azərbaycan band 1 ğərorış elan kardə. Ğərorədə iddio bə darıştəyon zınə bən.

Şikat bikə bə məhkəmə doə ğəraron qorə, 1986-minə sori dələdızdəti səbəbiku bekə mandə. Bey hojo Həmonə sor Azərbaycan Elmi-Tədqiqat İpək İnstitutunun Qəncə bazadə ğeyri-jimon binadə jie icazə doə bəbe. 2011-minə sori bəçe vəynə institut bina i hissə ğeyriğanuni zəbt karde əsasi Kəpəz Rayon Məhkəmədə iddio ros kardə bə, əçe binaku bekarde tələb bə. Məhkəmə ərizəvoni bina beğanuni zəbt karde muəyyənış kardə, əçe məskun bə vırəku bekarde ğərorış doə. Ərizəvoni bə penə məhkəmon şikaton nəticəson doə ni.

Ərizəvon AİHM vədə Konvensiya 8-minə maddə, həmən huquqi təmsil bıkə İntiqam Əliyevi ofisədə nəvəy barde, de koy band sənədin peğəte epizodi ro 34-minə maddə darıştə be muəyyənış kardə.

Avropa Məhkəmə ərizəvoni məskun bə mənzıliku bekarde nəzərədə qətə məhkəmə ğəroron bə dılətonə ğanunon uyğun be ğənaət boən, ın ğəroron bə “demokratik cəmiyyətədə zərurəti” testi cavob nıdoeş muəyyən kardə.