AXCP uzv Orxan Baxışlı dəstqir kardə bə. Oktyabri 17-də Xətai Rayon Məhkəmə əçe barədə 20 sutka inzibati həbs ğərarış bekardə. Bə ğərari əsasən, AXCP fəal İnzibati Xəton Məcəllə 510 (hırda xuliqanəti) inən 535.1 (bə polisi ğanuni tələbi tabe nı be) maddon taxsiko zınə bə.

De doə məlumati Orxan Baxışlı barədə inzibati xəto protokolədə, əçe oktyabri 16-də saat 19.00 nezi kuçədə telefonədə de bərkə vanqi dıjmon doe ğeyd kardə bə. Polison bey nez bən, intizamın be tələbşon kardə, şəxsiyyət vəsığəşon piyə. Ey bə polison tələbiş əməl kardə ni,ıştəni təğdim kardeku imtinoş kardə.
Orxan Baxışlı məhkəmədə, protokolədə nıvıştəyon inən polison votəyon pesoxtə beş bəyon bıkoən hakim polison doə izahat inən soxtə protokol əsnoədə 1995-minə sori təvəlludin Orxan Baxışlı barədə 20 sutka dəstqirəti ğərarış bekardə.
AXCP-ku ittihomi saxta be, Orxan Baxışlı fb-də Əliyevi tənğıd kardə statusi qorə dəstqir kardə be bəyonşon kardə.