“Qazax Alik”i zoə, Milli Fədaion Hərəkati sərdor Fuad Muradov məhkəmə bino bedə. Muxtəlif odəmon şantaj karde, çəvonku pul seədə ittihom bə Fuad Muradovi ko Qəncə Qonə Cinayəton Məhkəmədə bardə bəbe.

Bın məhkəmə prosesədə muttəhimon dılədə ğərəz Fuad Muradovi həniən 2 kəs – Ramil Paşşanov iyən Qulnar Hacıyeva hıstin. Bə çəvon vəynə de Cinayət Məcəllə 182.2.1 (navadə daşt-bədast bə 1 qrup xonəxon tərəfo de tars ehaşte tələb karde), 128.2.2 (təkror kardeədə), 182.2.4 (xeyli əmlok bə dast varde məğsədi kardeədə) maddon ittihom bə nav doə bə. Dın maddon əvon tosə 10 sori ozodətiku məhruməti cəzo se bəznen.

Bın koədə 7 kəs zərərkəşəy ğismədə zınə bə. Çəvon həmməyku de şantaji pul se iddio bedə.

Fuad Muradovi dastə muxtəlif merdon de zənənon nunəkıle kəsə intim video bə çəvon xeyzoni nuşu doe tars ehaşte ro həmonə xonəxonku pul se iddio kardə bedə.