Serebral iflic noxəşin, 1-minə qrup əlil Famil Xəlilov de narkotik savdı ittihomi dəstqir kardə bə.
Kiçikxanım Xəlilova istə şuə tənğidi pevolo kardə materialon qorə şər ğandə be votedə. Har dı dasto iflic bə Famili dəstqirxonə hol təsəvvür kardəni ni.

May 2-də Sulutəpədə bə çəvon kirədə jiə mənzıl omə mulki olətinə polison omən, kədə narkotik maddə peydoşon karde iddioşon kardə. Polison həmən kədə kompyuter iyən telefononşon de istə bardə. İdarədə isə bın texnikon noə kilidon Xəlilovi 8 sininə kinə oj kardeşon aspardə.
Xəlilovon ponə sori tovostonədə İsveçrəku deportasiya bən.