8 zənən jurnalisti dastqirəti etiroz plakat ros karde bədiqə 30 sutka inziboti dastqirəti cəzo sə fəol Rauf Heydərovi bə zorakoəti məruz mande barədə jurnalist Ulviyyə Əli istə “Facebook” səhifədə nıvıştəşe.

De məlumoti, fəol marti 10-da mədə doji ro şə noxəşxonəku beşeədə qətə bə.
“Noxəşxonədə qınə darzəniku behol bim. Beşeədə polison mınşon şıkırne-şıkırne de zu nışandışone bə istə maşin, bardışone bə polisxonə. Əyo bə mıddətədə kuə bim, bə təhğiron məruz mandim. Mınşon mizi dumo nışande, vəkiliku imtino dair ərızə qoydular və imzo karde məcbur kardeədə, az rozi nıbim, çımı sə dı kərə bə mizi jə be. Tosə məhkəmə bəmı nə ov, nəən doə nı be, vəşi-təşiku behol bim”, – Rauf Heydərovi bəyon kardəşe.
Marti 13-də Boku Apelyasiya Məhkəmədə dəvonə prosesədə Rauf Heydərovi 30 sutkaninə dastqirəti cəzo ğıvvədə oğətə bə.