Biləsuvar rayonunun Bəydili kəndində Qarabağ urğunda döyüşlərdə  şəhid olmuş Mahir Məmmədovun məzarı təhqir olunub.

Bu barədə TOLİSHMEDİA informasiya agentliyinə şəhidin qardaşı Sahib Məmmədov məlumat verib.

Onun sözlərinə görə, fevralın 21-də şəhid qardaşının məzarını ziyarətə gələn zaman qəbir daşının dağıdıldığının, məzarın üzərindəki bayrağın götürüldüyününün şahidi olublar: “Qardaşımızın məzarını ziyarətə gələndə gördük ki, buradakı bayraq oğurlanıb, qəbir daşı təhqir olunub. Dərhal hadisə ilə bağlı hüquq-mühafizə orqanlarına məlumat verdik.

S. Məmmədov deyir ki, məzarın təhqir olunmasından bir həftəyə yaxın vaxt keçsə də, hadisəni törədən şəxs tapılmayıb: “Polisə, prokurorluğa şikayət eləmişik, dəfələrlə icra başçısına müraciət eləmişik, heç bir nəticəsi yoxdur.”

Xatırladıq ki, milliyyətcə talış olan Mahir Füzuli oğlu Məmmədov 1977-ci ildə Biləsuvar rayonunun Bəydili kəndində anadan olub, 1996-cı ildə isə Füzuli rayonunun Kürdmahmudlu kəndində şəhid olub.