Masal rayoni İcra yol Rafil Huseynov Masali vılo kardə. Əliyevon xıyzoni həjəmə dastə aşmardi odəmonədə qıləy, besəvod, haləsə iyən kurıcəğ Rafil Huseynov nomədə qıləy odəm Masali çandi – çand sorone vironə kardə. Bə Rafil Huseynovi, “Iştı lınq sute , okırın” votəkəs ni. Im odəm bə Masali iyən bə çəy əjiyon bənəy ıştə pıə moli diə kardə.

Çiçış pidə jəqoən kardə, kiyış pidə dodə qəte. Jıqo bızın  Masalədə İbtidai icma , quldarəti vaxte. Jıqo bızın həm Masali zəmin həmən iyo jiə odəmon həmə çı odəmi mılke. Hələn bı jıqo exrocəti tov vardə tolışon , hələ sovı bımi bı jıqo həjəmon tarif peğandəkəsonən hestin.

Mande ım Rafil Huseynov nomədə həjəmə Masali xokış bə tumbərə qətəşe. Tolışon bıdə jıqo nıfamon ki, Rafil Huseynov çəmə zəmino şey, bə çəy vırə omə co həjəmə çımisə çok bəbey. Ney, xosə tolışon, çəmə xoşbəxtəti çəmə ıştə dəvlətmədorəti bərpo kardeyədəy. Əmə ıştə səbəsojəti onınəmon, bo əmə xoşə rujon, xəşə jimon əbıni. Xıdo  bə tolışi koməq bıbo. Bıji Tolışston!

Masal

Sərdor Bunyadov.