İyulə mangi 29-nə rujiku Ozobiconi polisi iyən Yasamoli rayoni əholi iyən polisi arədə yolə mınoğişə bino bıə. Polisi ğıvvon cəhd kardedən çı di kəon vılo bıkən ki ə vırədə xəyli xıyzonon jimon kardedən. Boku diktatorə hokuməti nımoyəndon elon kardəşone ki bo əholi ro hiç kompensasiyə nibəbe bə çəy gorə ki həmməy kəon de ğeyri-ğanuniə roon dutə bən. Çı di səbəsoon, xısusən jenon, bə polison hıcum kardəşone iyən cəhd kardedən de zu əvoni diku bekarde. Əvon çı rayoni ən mıhumə ro bastəşone.

Bə “Azadlıq” radio məlumoton əsosi, çım di əholi kəon vılo karde gıləy ğeyri-ğanuniə fəoliyət zınedən iyən bə ğəror omən boştə həxon ro mıborizə bıkən. Çan gılə odəmon həbs kardə bən.

TolishMedia