Cəlilabadi H. Əliyev nomədə prospektədə şəşsa nəve kvadratmetrəynə dı mərtəbə odəmon jiə roti otəşış qətə. Çı roti dıminə mərtəbədə Fərman Həhmətov nomədə əji dı çəşmə xonə kiəsədə tamaza voşış qətə. Hamsuyon çımiku rə xəbədo bıən bə Fevqəladə  Holi Vəzirəti Cəlilabadi xonə xəbəşon doə.

De çe əmə Tolışstonədə həşə əlehdə muxbiri doə xəbə FHV xonə əhəşon çəsponi bə sutə roti ıştənışon rosniyəşone. De çe əvon dastpoçəti sutə xonə  otəş okuştə bıə. Bı bəjən rotədə iqlə Fərman Hətəmovi xonə sutə, əmandəniə odəmon kə – bə suteku peroxniyəşone. Dı koy anqıl Cəlilabadi Polisi Xonə Xətokorəti ko rostış kardə, təyğəton bino bıən.

Cəlilabad ( Həmoşəru)․

Sərdor Bunyadov.