Zinə çoştə vaxti Səlyon – Şirvani pıştəroy Qarabağlı di həndəvərədə maşini rodavardə velosipedəromış jə. De çe əmə muxbiri doə rımuzi çı di vistıçosornəni əji Orxan Tofiqi zoə Qurbanov de velosipedi roy dəvardeyədəy maşini əvış jə. Əv roysə “VAZ-2106” jiquli markəynə avtomobili jəşe. Avtomobili ranəndə, maşini  vey tınd romedəbən.

Çımi hucobətədə Qorxmaz Qurbanovi andomon ve qonə zəfəşon sə. Zəfə əstənışon çəsponi bə Səlyoni Mərənqo Noxəşxonə rosniyəşone. Pezışkon ıştə dasto omə koməqətişon kardə. De muxbiri doə xəbə çe Qorxmaz Qurbanovi jimon xətoku peroxniyəşone. Mande demiyən jıqo Səlyon çe Tolışstoni qırd vey roy ğəzo qınyə vırəy. Odəmon roysə purin, maşinonən de tovi romedən.

Dı roy ğəziyə koy anqıl Səlyoni Polisi Xonə təyğəton bardə. Imən çoknəy zındəmon formal qılə koy. Odəmon çoknəy Səlyoni roysə mardəbin, ijənən damədə hejo de roy ğəzo odəmon ğır bedən.

Xıdo ıştən koməq bıbo!

TolishMedia