İyuni 26-də Avropa Şura (AŞ) “Həbsxana əhali 2022 (Prison Populations 2022)” nomədə hesabatış pevolo kardə. Sənəd Lozanna Universiteti tərəfo hozzo kardə bə.

Hesobatədə, holiədə Avropa Şura keşvəron həbsxononədə həmməyəvo 981 həzo 575 məhbusi cəzo kəşe ğeyd kardə bedə. Ən vey məhbus bə Avropa Şura keşvər Turkiyəy – 2022-minə sori Turkiyə həbsxononədə 303 həzo 945 məhbus bə. İngiltərə 79 həzo , Polşanın 72 həzo, Fransa 70 həzo məhbusış hıste.

Huquqşunas Xalid Ağaliyev Turkiyədə bə har 100 həzo əhali 355 kəs məhbus eqne votedə. Azərbaycanədə bə har 100 həzo 217 məhbus eqnidə. Məhbuson umumi hisob 22 334 kəse. Çımonən 21 713 kəs merd, 621 kəs zənən xeyləğeye. Azərbaycan həbsxononədə xarici keşvəronku bə 436 merd , 11 kəs zənən məhbus hıse. Azərbaycan həbsxononədə umumi məhbus vıron 25 471, çimiən 88 faiz qətə bə. Həbsxononədə mudiriyyət inən həbsxona koəkon band məlumaton məxfi be qorə bın barədə məlumat doə bedəni.

Ermənistanədə həmməyəvo 2 128 məhbus hıse, bə har 100 həzo əhali 71 məhbus eqnidə.
Hesabatədə bə məhbuson kardə xərcon barədən ğeydon hıste.

Azərbaycandə bo har məhbusi rujə xarc 8 avroe, ımən Ukrayna istisno be şərti, Avropa Şuradə ən sarue. Turkiyədə ın rəğəm bə 10 avro, Qurcustanədə 10 avro nim, Moldova inən Bolqarıstanədə bə 13 avro bərobəre. Bo har məhbusi rujə xarc İrlandiya 1207, Norveç 378, Luksemburq 327, İsveç 322, Lixtenşteyn 300 avro xarc kardə. Ermənistan bo har məhbusi ha ruj 32 avro sərf kardə .