Sona Harotonyan Ermənistonı Sərzəmini nomədə idorə vəzorəti mətbuatı sədr bə Sputnik agentı muxbirı votdışe ki: Pegasos nomədə kompani tələb kardəşe ki Fevralə mangiku har haftədə 2 gılə aeropılan İstanbul-Yerevanı arədə bıpəron, ın kompani ıştə məktubi bə Ermənistonı ğəyri-nizami həvoyə kamitet vığandəşe iyən ın kamitet ın məsələsə məsləhət karde holədəy.

Çimiku bə na CAC bə Ermənistonı Erməni Flayon nomədə həvoyə kompani icozə doəşbe ki əçəvon aeropılanon bə İstanbul bıpəron. In aeropılanon pırogramən har haftədə 3 kərə təşkil bedə.