İronədə partnyorəti muqavilə bə orəx je qorə Lavrovi səfəri çəş kardedən.

Bın barədə sentyabri 22-də İron İslam Respublika Xarici Koon Vəzir Huseyn Abdullahiani bəyonış kardə.

«Sıftə, pidəme prezident Rəisi səlomi inən xoşə orzuon bə prezident Putini bırısnom», – Abdullahiani de Lavrovi vindemoni navədəş votə.
«Vey xoşe ki, çəmən keşvəron miyonədə məsəlon pozitivin. Çəmə dıtərəfinə inən regional mevzuədə mulağaton vey çok şedən», – Abdullahiani ğeydış kardə.

Vəziri Lavrovi səfəri barədə bə roziəti ome, dırozmıddətinə strateji əloqə muqavilon bə final noxtə rosniə beş votə.