Həmkoə İttifağon Konfederasiyə sərdor Afiəddin Məmmədovi barədə bo sıftənə istintağ mıddəti ro 2 manq həbs ğətimko tədbir vıjniə bə.

Ğəror sentyabri 21-də şanqovoni saat 6-ədə Xətai Rayon Məhkəmədə doə bə.

Məhkəmədə bə cıvonə fəali vəynə de Cinayət Məcəllə 221.3 (silah və ya silah ğismədə əşyaku istifadə karde xuliqanəti) maddon ittihom bə nag doe məlum bə.

Əv bə i kəsi de çəxo xəsarət jeədə ittihom bıboən, ıştəni taxsiko zınedəni, ın ittihomi saxta be votedə.
Məhkəmədə fe şər ğande dəstqir be bəyonış kardə.
De əçey sıxani, sentyabri 20-də kəyku beşeədə, holiədə zərərkəşəy ğismədə zınə nə xonəxo şəxs əçe omeş vındə, bəştəş xəsarət jə, çəxoş bəçe tərəf şodoə.

Dərhol ətrafiku polison omə əvşon bardə.