Boku Devlət Universiteti (BDU) Tələbə Cıvonon Təşkilatədə təmsil bə i qrup tələbə “WhatsApp”ədə de nunəkılə qrup oj karde nubəku bəkəno Prezident səçıni barədə tərəfinə təbliğat barde votə bedə.

Dimi band məlumatı Tələbə Zu Mərkəzi pevoloş kardə.

Məlumatədə, tələbon bəvon qrupi nunəkıle oğəte aspardə be ğeyd kardə bə.

Mərkəzi Tələbə Cıvonon Təşkilati tərəfo soxtə qrupi skrinşotşonən pevoloş kardə.

Skrinşotədə bə tələbon fevrali 7-də nubəku bəkəno səçınədə iştirak kardə hakim partiya band materialon bəqəm karde, şərh nıvışte aspardə be vində bedə.

“Təhsil siyasət aləti ni. Universitet rəhbərətiku məsələ tədğiğ karde iyən bə cəvobdehə xonəxon cəzo doə be tələb kardəmon”, – Tələbə Zu Mərkəzi doə məlumatədə votə bedə.

De təhsil ekspert Nabatəli Qulamoğlu vote, təhsil muəssisonədə siyasi təbliğat “Təhsil həxədə” ğanunun 14.9-minə maddə zidd bıboən, bimi məhəl bınə ni.