Masali rayoni Kalinovka di əji Ziba Əskərova zoə Nurlan Əskərov ponə sori Xərəboği canqədə mardə. Çəvon xıyzon ve beçizə holədə jidə. Ziba Əskərova dıminə zoən holidə Xərəboği canqi restədə sərbozəti kardə. Ziba Əskərova bə Masali rayoni icra yoli Rafil Huseynovi çand bəjən ıştə jimoni saxtəti barədə ovardəşe. Fafil Huseynovi ıştənış bə kuəti iyən korətiş noə. De Ziba Əskərova votəy, zinə aprelə manqi 3 – də Rafil Huseynov bəmı dlvandi doy vırədəı, çımı əğıli yasə ruji Masalədə çe Damla konsertış doy. Az çımisə yolə behurməti vindəmni. Oxo de jıqo rəvmoni jıqoşə kom odəm ıştə əğıli çı keşvəri roədə bə canq bəğande. Çımı əğıli xun arada bə beko şey. Həyf çə anəndə mardə baləliyon. Əmə bı keşvərədə bənəy hiç qılə huquq nıbə dastqirə odəmi jidəmon. Nə əməni məsdən, nəən ənə ıştə baləliyon Xərəboği canqədə qin kardero bə əmə ğurb nodən. Xıdo de jıqo hukməti ıştən divon bıko!

Masal – Kalinovka.

Sərdor Bunyadov.