Avropa İnson Huğuğon Məhkəmə (AİHM) apreli 25-də Azərbaycaniku vığandə 2 ərızə ro ğərarış elan kardə.

Har 2 ərızəvon AİHM vədə səçın huğuğon darıştə be məsələş ros kardə.

“Qorxmaz İbrahimli bə Azərbaycani vəynə” iyən “Rəfail Zeynalzadə bə Azərbaycani vəynə” – ərızonədə har əvon 9 fevral 2020-minə il tarixdə dəvardə parlament səçınonədə bənə namizədi iştirak kardə xonəxonin.

Əvon səçın komissiyonədə iyən məhkəmonədə bə çəvon iddio kardə muxtəlif səçın darıştəyon effektiv diə nıkarde, mudafiə huğuğon darıştə beku şikatşon kardə.

Har 2 ərizə kommunikasiyadə tərəfon bə roziəti omən. De məhkəmə ğərari, hokumət “İbrahimli bə Azərbaycani vəynə” koədə bə ərızəvoni 4500 avro məbləğədə maddi iyən mənəvi zərər əvəzi, “Zeynalzadə bə Azərbaycani vəynə” koədə isə bə ərızəvoni 4750 avro məbləğədə maddi iyən mənəvi, xərc iyən məsrəf əvəzi təzimat bədo.

Səçın huğuğon ro bə AİHM vığandə ərızon dılədə Azərbaycan lider mevğeədə.