Səlyoni Quli Əskərov nomədə kuçədə maştəvo vaxti qılə bədbəxtə ğəziyə qıniyə. Səlyoni Qulu Əskərov nomədə kuçə əji i həzo nəvsa nəveseminə sori çe moəmo bııə Abbasov Aləddin Qasımi zoə kuçədə qıləy cınəvə pəydo kardə.

Əv ım cınəvə bino kardə çı dast bə dast doy, bəy diə karde binim ım çiçe. Əv ım cınəvə bə ıştə çəpə dasat doədəy ım cınəvə çe əy dastədə tıpə. Çe əy çəpə dast ve bevəc yarəjə bıə. Dastış yarəjə bıə Aləddin Abbasovışon çəsponi bə Səlyoni Mərənqo Noxəşxonə rosniyəşone. Çe əy dastisə pezışkon əməliyatışon bardə.

Aləddin Abbasovi çəpə dast qırd reço beşə. Isətən de koy anqıl Səlyoni Polisi Xonə de xətokorəti maddə riyə koş rost kardə. Polis bəpe bə əjiyon bı barədə bıvoto, oxo ım fuqasi cinsədə tıpə cınəvə Səlyoni mərənqoədə çiç kardedə? Bı barədə həm Səlyoni polis həmən hukməti co onemonon ıştə sıxani bəpe bıvotonb.

Jıqo beşedə Tolışstoni zəminədə canq bino bıə, hiç kəsi xəbəş ni!

Çiç votedəmon, əmə hozomon bo canq karde !

Lankon – Səlyon.

Sərdor Bunyadov.