Ozobiconi prezidenti İcra Xonə de şəhərvandon ko bardə koysə sərdor Suleyman İsmayılovi ıştə ovardemonədə kom rayonon polisonku ve noroziyəti bey barədə bə əvon omə əjo– şikayəton barədə votəşe  iyən çe kali rayonon nomış bə qəv vardəşe. Çı xonə sərdori bə xosiyən polison ıştənbəsəti ve kardə rayonon barədə ve de norohətəti çəmi qəpış jəşe.

Polison bıhton, dələdızəti bə odəmon tars doy, əvoni şantaj kardeyədə qınokor zınə bedən. Mande bə çe əvon vəynə hiç qılə cinoyəti ko rost kardə bıəni. De həftoği vote bəbey ki, jıqo rayonon dılədə Tolışstoni vey rayonon nomən heste. Jintono çe ə rayonon nomon bə şımə edaştəmon.

Boku Xəzər, Nərimanov, Nizami, Sabunçu, Suraxanı, Yasamal rayonon, Qəncə, Lankon, Sumqaıt şəhəron, həmən Ağstafa, Qoranboy, Qoyçay, Goygol, Lik, Masall, Natəçolə, Sabirabad, Siyəzən, Tərtər iyən co rayonon nom bı bədnomə siyahiyədə heste. Xıdo ıştən bə xəy ovə, Xıdo jıqo hukuməti, jıqo polisi ni bıko!

Tolish Media