Tırkiyədə jiyə, çe Tırkiyə Respublika şəhərvand “Palmali şirkəton” dastə prezident tolış Mubariz Mənsimoviku dastqirxonəku rımuz beşə. Mubariz Mənsimov nav dastqir karde dılədə əməliyot bıəbe. Isət əv dastqirxonədə ıştəni ve bevəc osəmedə. Im odəm həm  xorək hardeku, həmən ov peşomeku dastış peqətəşe.

De çe əy mətbuati katib Fidan Quliyeva doə xəbə, pezışkon dılışon bıə ki, bəy de darzəni zumandə vitaminon eruton ki, əv nımardo. Mande əy haştəşni. Çe əy hol ve kritike. Qirəm əv haftəyən hiç çi ğəbul nıko marde bəzıney. Bə şımə vir dəğandəmon ki, Mubariz Mənsimov Tırkiyədə de FETO terrorə onemoni həmkorəti  kardeyədə qınokor zınə bedə. Tırkiyə ğaziyəti bəyış hələynə se manq koş bırniyəşe.

Hələ çanəndə de əçəy koy anqıl təyğəton şedən əv bəpe dastqirxonədə bınışto. Təyğəton bə sə qınyəbəpeşt Ğozi bəyo çiç pehando, çe əy damədə jimoni titə əv bəbe. Qirəm jıqo bışu, Xıdo nıkə əv detobə ğoziyəti vaxti marde bəzıne. Xıdo bəy koməq bıko! Əv bə Tırkiyə ğoziyəti dastqo ıştə peştıpurətiş dəbastəşbe, ımən çe əy orəx.