Ozobiconədə iyunə mangi 24-ədə de koronavirusi mıbtəlo be 508 tojə fakt bə oşko beşə. 320 nəfər mıolicə kardə bən iyən noxəşxonəonku bə kə vığandə bən. Çımi həxədə çı Vəziron Kabineti tono Operativə Ğərərgohi elonədə votə bedə.

Im rəğəm iyunə mangi 21-nə ruji bəpeştə 1 sutkədə infeksiyə gətə kəson ən yolə ədəde. Ə rujədə 491 kəs bə koronavirus mıbtəlo bə bin.
Sıvoy çımi Operativə Ğərərgoədə 6 gılə odəmon marde həxədə xəbə doedən.

Holiədə Ozobiconədə 13715 xonəxə de koronavirusi mıbtəlo be fakt oşko kardə bə. Cəvonku 7503 kəs mıolicə kardə bən, 167 nəfər mardə, 6045 xonəxo xususiə rejiminə noxəşxonəonədə mıolicə dəvom kardedən.

Həmonə xonəxonədə 284 kəsi hol gon, 334 kəsi hol miyonə gon, əmandanion hol stabile.