Çı Ozobiconi xariciə ğarz yol bedə
“TolishMedia” informasiyə agentəti muxbir Boku şəhəriku xəbə dodə ki, 2019-nə sori sentyabri 1-ədə Ozobiconi xariciə ğarz təğribən bə 9.5 milyard dollari rəsə. 2019-nə sori sentyabrə mangi 1-nə rujədə çı Boku dovləti xariciə ğarz bo əholi i kəsi ro 950 dollar be.
Ehanə mığoyisə bıkəmon 2017-nə sori sıftədə 6.9 milyard dollar be ki, həmonə sori aprela mangi 1-nə rujədə bə 7 milyard dollari rəse.
Bə yod dəğandəmon ki, çı məmləkəti xariciə ğarz çı beynəlxəlğə maliə instituton proyekton iyən kreditə programonku, həmçinin beynəlxəlğə maliə vıjoronədə bıə gıymətinə koğəzonku iborət bedə.