İ manqisən veye Xərəboği canq osanqə. Həni Rusiya aşişəmijəti vardə ləşkər Xərəboğədə har çiy ıştə çəşənəvo jintono oqətedə. Sıxan kali bəjən dəğıləti kardəkəson, aşişəmijəti darıştəkəson pəydo bedən. Əvonən çe Tırkiyəku dəstur səşone, mande hiç çi karde əzınin. Çumçıko Rusiya har çiy çok zınedə, çı koy porsanqış çok qətəşe. Tırkiyə navbənav bı koədə dəboxtəşe. Imruj Ozobiconi ləşkər iyən ozobiconıjə əjiyon eyforiya holiku beşən. Isət Xərəboğədə peş canqi mandə sərbozon vəşi, sardi dardi bardedənbu, çe əvon sərdard çe əvon xıyzononin. Həni bərmalə Xərəboğədə ğəror sıə ləşkəri sərbozon sosial şəbəkonədə video baxş kardedən. Bı videonədə əvon, ıştə kom holədə jimoni barədə qəp jəydən. Votedən :Urunpeşti qur sərost bakarde. Bə əmə dey siqaretiən de puli havatedən. Jıqo bışu bı zımıstonədə əmə sardi bamardemon iyo. Odəmi dılışe çe əvonku bıparso: Şımə bo çiçi canq kardedəbiyon? Bə çe əyro ki, bışənən əyo sardiku bımardənən?

Əve ım Ozobicon hiç kəynə sərost əbıni. Tolışon talki bo ıştə sə qılə çarə pəydo nıkon, bo əvon rəxe ni. Qırd ğır bəben bəşen.

Tolish Media