Xosə Tolışon ımşanqo Yolə çılə şəv (fars: شب چله – shab-e chelle – شب یلدا) damedə.

Zəmini dimi xəşixuni çəmisə sori 365 ruji qırd dırozə şəve. Imşamqo de Şəmsi sori Deyə manqi iminə, Azərə manqi orəxnə şəve. Imşanqonə şəviku bo Nəvuzə idi dame sərost se manq mandə. Yolə çılə çıl ruj damədə bəbe. Əve hejo ıştə nomış çımikuyən peqətəşe. Dekabırə manqi visti şəviku detobə yanvarə manqi si Yolə çıləy.

Peş Yolə çılə Rukə çılə damedə, əvən vist ruj dəkəşedə. Çəmə xosə millət, əmə bə şımə bı xosə idə şəvi xoşbəxtəti, bolı – puriyəti, xəşə coniyəti orzu kardəmon. Ruj əv ruj bıbo, əmə ıştə sərzəmin Tolışstonədə ım idi de şoyvoy dəvoniyəmon. Çəşonon ruşin, Xıdo əmonətədə bımandənən. həzo soron id bıkon!

Ismayil Shabanov