Çand ruje ki dınyoədə ənmıhummə xəbon Turkiyədə çı Rəcəb Təyyeb Ərdoğanı siyasəton zidd xəlğı itirazon xəbonin. Dəvardə Seşanbə şəvədə İstanbul iyən Ankaraədə itirazəkon ojnən bə məydon dəşin iyən itirazinə mitingon təşkil kardışone.

Ərəbi jornalonən nıvıştəbe ki soşel mediyaədə əktiviston de kali təsviron nəşrdoe ilon kardəşone ki Ankaraədə jiyə xəlğ çı Rəcəb Təyyeb Ərdoğanı maliyə siyasəton zidd itirazinə mitingon təşkil kardışone, iyən in itirazəkon Ərdoğanı istefodoe tələb kardedəbin.

Jığo be ki itirazəkon İstanbulı kuçəondə gırdə bin ijən pulis çı İstanbulı Təqsim nomədə məydoni ğədəğən ilan kardışe. Əmmo polisı mudaxilə səbəb nıbe ki itirazəkon ıştə hərəkətonku dast pegəton iyən əvon hejo bəştə ro idoməışon do.

Turkiyədə mali bevəcə vəziyət ki Lirı ğıyməti egıniye goroş təşkil bedən gıləy mıhummə səbəb hestışe ki əvən Rəcəb Təyyeb Ərdoğanı siyasəton çı Turkiyə emperə təşkilkarde fikədəye. In fik jəğo ki nakoən siyasəti təhliləkon votəşonbe çı Turkiyə ulkə pevılobıe səbəb bəbe.

Turkiyədə Ərdoğanı zidd itirazon hejo idomə hestışone. Nəşrbıə təsviron iyən filmonən nişo doydən ki İtirazəkon Turkiyə pırezident Rəcəb Təyyeb Ərdoğanı istefodoe tələb kardən. Əgərsə polis iyən əmniyəti ğıvvon cəhd kardən ki itirazəkon bıgəton əmmo ın itirazon bəştə roy idomə doydən.