Minqəçevir Şəhər Mərkəzi noxəşxonə təftışədə 50 həzo mənotisə ziyod dələmurtəti oşko kardə be əlaqədar cinayət ko bino be barədə Minqəçevir Şəhər Prokuratura məlumatış doə.

Məlumatədə, Minqəçevir Şəhər Mərkəzi noxəşxonə band bə prokuratura şikat kardə bə. Həmonə şikati əsnoəda tədğiğat bardə bedə.
Noxəşxonə 2021-minə sori yanvariku tosə 2023-minə sori oktyabri maliyyə-təsərrufat fəaliyyət təftış kardə bə.

“Bardə təftişi nəticədə noxəşxonə vəzifəninə xonəxon ıştə səlahiyyətonku sui-istifadə karde, devlət budcəku co kardə 50 həzo mənotisə ziyod vəsaiti dələmurt karde muəyyən kardə bə”, – prokuratura bəyonış kardə.

De fakti band Minqəçevir şəhər Prokuraturadə de Cinayət Məcəllə 179.3.2 (kulli miğdarədə ziyan je dələmurt) iyən 308.1-minə (vəzifə səlahiyyətonku sui-istifadə) maddon cinayət ko bino kardə bə.