Mərasim Hacizodə moəku bıə rayon Ostoro Pəlikəşi diədə 12.02.1966-nə tarıxədə. Oroxniyəşe Pəlikəşi miyonə məktəb (1983), ADPU (1990), ko kardəşe sıftə muəllim, peşo direktor Pəlikəşi həminə məktəbədə.

Mıddəti metodist bıə Ostoro təhsil şobədə. Isət məsul koəkəy Ostoro rayoni icra hakimiyyətədə. Mərasim Azərboyconi Ənıvışton İbemoni uzve. Tırkiyədə, Tolışiyədə çap bıə 7 kitobi muəllife.

JIĞO BƏ Kİ

Əyyom bənə bə ğəfəsi
Səydə odəmi nəfəsi.
Dəlokonən sə əvəzi
Cif toşedən, vallah, həni.

Puri- boli vıjor beşdəş,
Ğıymət boho: rişon rışdəş.
Balon tono zəmin dəşdəş,
Iştı dardi əv zındəni.

İ poə odəm bə əzazil,
Tarsedə çəvon Əzrohil,
Kəynə bəbe imom nozil?
Bəkarde çəvon divoni?

İnsof qin bə, mardə imon,
Çıvon rost be hiç ni qımon.
Jığo bə ki, həni jimon,
Odəm mardedə cıvoni…