De koronavirusi karantini anqıl odəmon aradə  i qəz nim ara oqətero, deputaton vıron ovaxtero bıə. Plenar qırdəbemon nav bino bey kom deputati kom vırədə nıştey çe əvon nıştə vırə kutisə nıvıştə bıə. Mehmonə deputaton nıştə vırə səpe noroziyəti eqıniyə.

Dey ımoşon bənəy çımıni- ıştəni karde, exroj kardeyən ğəbulışon kardəşone. Qırd norozi mandə deputatonədən qıləyən Ramil Həsən ıştə noroziəti əyo ney, sosial şəbəkonədəş bə qəv vardəşe. Əy ıştə Facebook – i loədə odəmon, bə xosiyən deputaton arədə i qəz nim oqətə arə dastqoş tənğıdış kardəşe.

Sovı bımiyəə əy bə Milli Məclisi sərdor Sahibə Qafarovaən ıştə noroziətiş kardə, əvış exrocış kardəşe. Hələ bəyış bə məhkəmə doy tarsışən doəşe. Jıqo – jıqo koon. Odəmon çe hayədən, ımon çe hayədə?! Xıdo bı ımon pand bıdo!