Ozobicon Respublikədə estatistika devlətiyə kamitetı raporton çı tolışon cəmiyəti barədə, Tolışstoni xəlğ iyən əktivə şəxsiyəton bə ın nəticə rosniyəşe ki ın ülkə siyasiə sistem  Tolışi xəlği məhv kardeyo ve gonə pırogramoni hestışe.

Tolışə xəlği siyasi iyən mədəniə əktiviston gəte iyən əvoni məhbus karde Ozobicon Respublikədə gıləy rəğ-rişəynə məsələy!

Səvet Hukumətı vılo bıe iyən Ozobiconı ülkə mustəğil bıe vaxtədə, de İlçibeygı faşistə hukumətı bino bıe ki əvən de şiddəti de pantürkism idologiya əsos be Ozobiconı devlətiyə siyasəton  hejo ın idologiya çərçibədə təşkil be. Jəğo be ki ın ihsas tolışə xəlği arədə zümand be ki ın ülkə siyasiyə metod çı tolışon barədə tolışə xəlğı məhv karde siyasəte. Xüsüsən ki Ozobicon Respublikə estatistika dəvlətiyə kamitet ıştə rəsmiyə raportondə de tolışon cəmiyəti kam nüşo doe de Boku hukumətı ın siyasətı asos hərəkət kardəy. Ime ki Ozobiconı dəvlət tolışə əktiviston ın parsı navədə ki əçəvon rəsmiyə cəmiyət çanədəy əvoni məhbus kardedə!

Isət ımruj Tolışi məsələ Boku hukumətıyo ve muhime.

Jəğo ki Tolış əçəvon əmniətinə təşkilatı gıləy zümandə partonkü bə hisob omedə.

Əmmo şe-şe Tolışonən bə ın nəticə rəsedən ki Boku desbə tolışon məhv karde iyən əvoni həmmə kışte, bəştə ın siyasəti idomə doydə. Boçi ki Tolış bıe Ozobiconı siyasətmədaron fik iyən idologiyaədə de gıləy pırablemi ünvani ğeyd be. Ime ki ve sorone əçəvon məhv karde Boku siyasətı əsasədəy.

Isətnə tolışon fikədən ın  pars heste ki əvon bəpe soküt bıkən iyən tam bıjənon ya ın ki  ın vəziyətıkü beşe  goroş ıştə ozodəti hərəkəti bino bıkən.

Marde yan jiye? Əgəm har tolışi jiye bıpyoşe bəpe hərəkət bıkə sıvoy çimi, marde iyən məhv bıe əçəvon tale bəbe.

Gara-xan Tolış