Əli Nasir Şair, jornalist iyən Boku Rispublika şairon və ənıvışton təşkilatı gılay uzv iyən Tolışon mədəniyət mərkəzı gıləy sədr uzvonku be.

Əli Nasir 1955-minə sorədə Lankon şəhrədə moəkube. Əv tobə 1999-nə sor Lankonədə jimonış karde iyən ıştə ədəbiyə fəaliyəton iyən təhsilı idoməış do. Peşo Səvet hukuməti pevlobıeku bə peşt bə Boku şəhər şe iyən Bokuədə jimonış ka. Əli Nasir Səvet hukuməti məhvbıe dıvrandə ə cumlədə barzəmərtəbə ziyalionku be ki Boku mustəğil iyən demokratik həxədə ve mubarizəış karde.

Əv Səvet hukumətike bə peşt – Tolışon mədəniyətı mərkəzi uzv be. Jığo be ki Ozərboycon Rispoblikədə jiyə Tolışon milli hərəkətdə de Tolış-Mığon muxtarəti təşkilbıe gıləy rəhbəron unvani hərəkətış karde. Əv deştə həmasi iyən vətəni şeeron xəlğı bə siyasiyə hərəkəton tərəf dəvət kardə be.

De Tolış-Mığon Rispoblika məğlubbıe – Boku polison Əli Nasirı gətışone iyən əv həşt sor ğıboston həbsxonədə məhbus be. Peşo 2001-minə sorədə de Avrupa təşkilati kıməgəti ozod be iyən ıştə ədəbiyə fəaliyəton idoməış do. Jığo be ki gədə-gədə ıştə kitobon de Tırki iyən Tolışi zıvoni çapış ka. Gıləy çəy yolə əsəronku “Bahand, Tolışə bılbıl” e ki əçəy Tolışi zıvondə votə şeeronin. Əv Lankonədə İnpolske gəzetı sərredaktır be ki gıləy tırkiyə gəzet bı. Peşoən Elin səsi gəzetı sərredaktır be.

Nəvruzəli Məmədovi şəhidbıe ku bə peşt 2010-minə sorədə- Əli Nasir Bokuədə de Tolışı mədəniyət mərkəzi sədr unvani ıştə fəaliyəton idoməş do. Əv Tolışi sədo gəzetı çap kardeədə ve kıməgətiış karde.
Tolışon Əli Nasirı de dardkəşə milliə şairı unvani zınedən.

“Ğəybı nido” gıləy çəy kitobonin ki İronədə de farsi zıvoniən tərcumə iyən çap bən.

Əli Nasir 2017-minə sori Fevralə mangi 1-minə rujədə ıştə dınyo dəgiş kardışe, xıdo rəhmət bıkə.

Tolish Media