Arayik Harotonyan Artsax Rispoblikə pırezident de xəboni əsos ki ilon kardedən Boku çı terorist goroponku bı cangədə istifodə kardedə, teroristı zidd beynəlxalğə koalisiyə təşkil bıe tələb kardəşe.

De Espotnikı raportı əsos çimiku bə naən Siriya pırezident Bəşar Əsəd ilon kardəşbe ki Turkiyə çı Ğərəbağdə ın cangı binoəkəy. əv ijən votışe Turkiyə ıştə teroristə goroponku de Ğərəbağı cang kardeyo bəhr bardedə.

Sergeyi Narişkin çı Urusyə xarici əmniyətə servisı sədrən votəşe de Siryaədə bıə xəbon əsos beynəlxalğə teroristiyə təşkilaton ğıvvoni ki orta Şərğədə cangədən, bə Ğərəbağı məntəğə vığandə bedən iyən əmə ısət çandsa gasboən çand həzo radikalə ğıvvonku sıxan kardəmon.

Arayik Harotonyan Artsax Rispoblikə pırezident ıştə facebook səhifədən nıvışdışe: az de ulkəy pırezidentı unvan ki ıştə ulkə mustəğilətiyo bə cange, sivilə dınyoku tələb kardedəm ki de terorismı mıborizə kardeədə əktiv iştirak bıkən iyən teroristı zidd beynəlxalğə koalisiyə təşkil bıe vey əhəmiyətinə koy.

De Artsax Rispoblikə pırezident Arayik Harotonyanı vote, ımruj Ermənistan iyən Ğərəbağ ın mıborizə 1-minə restədəyin iyən to bə ğəti ğələbə mıborizə bəkan.