Tolışstoni paytaxt Lankonədə çe Dıminə Ghəroboği canqi binoku jıqo Tırkiyəku bə Lankoni epərqo xəyli aşmardədə ıştənəpəron omən. Çı ıştənəpəronədə i tiriti bombapeşandə i tiritiən bo kırniyə ıştənəpəronin. Lankono bə əmə omə rımuzonədə əvən bərmalə bıə ki, Tırkiyə ləşkərəvonon Lankoni Haftoni di nezi Qamov nomədə sanatoriyadə ejənə bıə mehmonxonədə mandedən. Əvoni avtobus bardedə, avtobus vardedə. Hiç qılə di əjiyon bə çe əvon nezıkət haştedənin.

Xıdo ıştən bə Tolışon koməq bıbu, jıqo çidə ımon hələ bo tolışon səy ve yolə eçınınoşon qətəşone. Çə tono İroni İslami Respublikan çı jıqo koyku norohəte, mande hələ tamış jəşe. Rusiya bı koy hələ cım doydəni. Peştıpuriəti iqlə mandə bə Xıdo . Tolışstoni əjiyonən veyni bə qıləy tarsə ruj mandən hiç qılə rımuz doy pidəşon ni.

Jıqo bışu məvuji çe NATO əhəşə keşvəronədə bıə Tırkiyə qırd çe İroni quşi bınədə ıştə ləşkərəvonəti bazə obənoy. Bəvədə pidə çiç kardedəş bıkə, har çi di bəbe. Har koy navi bəpe binoədə bıstəni. Əmə hejo hıtedəmon, hıtedəmon ko – çe koy dəvardedə çəyo pelıvedəmon. Bəvədən həni di bedə.

Xıdo bə əmə pand bıdo!

Tolish Media