Səlom bə çəmə Tolışə xəlği əməson, dərəson iyən ağılmandon. Nako boşməno nıvıştəmbe çı Boku iyən İlham Əlievı Tolışon kışte pıroqramonku. Imrujən pidəme ki ın məsələ çand-sa qılə nişonəonku çand qıləyni bınvıştom boşməno. jəğo ki ın symbolon iyəndı kəno noeədə har kəs çəmə Tolışon ki ağılmand bıbo əvoni dərəse bəzne.

Boəmon tikəy ın hadisəon iyəndı kənoədə bınəmon iyən diyə bıkəmon bəçəvon tarıxi.
– 2020-nə sori İyolə manqi 14-ədə Polad Haşimov de Boku iyən Ermənistonı arədə nizamiyə daveondə kıştə be.
– 2020-nə sori Sentyabrə manqi 27-ədə Boku ıştə tojə canqi de Ğərəbağı Ermənion bino kardışe.
– 2020-nə sori Oktyabrə manqi 28-ədə Tolışıstoni şəhərondə şe-ome ğədəğən ilon be.
– 2020-nə sori Noyabrə manqi 9-ədə Fəxrəddin Əboszodə de Boku əmniyəti ğıvvon vəsilə zindondə kıştə be.

əlbəttə ki zerəkə odəmiyo ın hadison analiz karde lozim ni, boçi ki çımı sıxani məno iyo oşkoye. Jəğo ki həmmə kəs xəbəş heste; İlham Əliev iyən əçəy məsləhətçion de Ğərəbağı canq karde tarıxi miəyən karde, ıştə ve pantırkistiyə ideoloqiyə pıroqramon bə na barde idomədə çı Tolışə xəlği vırtı-vılo karde pıroqramiən bə na barde pidəşonbe.

Əvon de dəvardə tarıxi məlumaton iyən de 1993-nə sori hərəkəton təcrubə əsos çok xəbəşon hestbe ki Tolışon canqədə ve zumand iyən patrıyotin. Ime ki canq-cəhbədə bə peşt oqarde vaxtədə əqəm bə Tolışonyo çokə lider iyən qeneral hestebo əvon bəznen ki ojnən Tolış-Mığon Respublikə pılani tikror bıkən.

Jığo be ki 2020-nə sori İyolə manqi 14-ədə Polad Haşimov* de Boku iyən Ermənistonı arədə nizamiyə daveondə kıştə be. Çimi məno ıme ki Tolışonyo heç zumandə qeneral nibəbe ki ehanə əçəvon nizami hərəkəton lider bıbo.

Peşoən 2020-nə sori Sentyabrə manqi 27-ədə Boku ıştə tojə canqi de Ğərəbağı* Ermənion bino kardışe. In canq çı Tolışon yarəjə kardeyo ve çokə fursət be. Boçi ki iyo 2-qılə xal hestbe, 1: həmonə nizamiyə ğıvvoni ki bəpe Tolışıstoni mustəğilbe roədə canq bıkəyn ısət əçəvon veyni de Ermənion canq kardeədə məhv bedən 2: Tolışon fikədə ın ideoloqiyə bəji bəbe ki: Ha, çəmə dışmen co xəlğonin! Ime ki ideoloqiyədə mot-sərqərdon mandən. əlbəttə ki Boku ıştə ın pılandə bə məğsədən rəse.

Əqəm bə yod biən 2020-nə sori Oktyabrə manqi 28-ədə Tolışıstoni şəhərondə şe-ome ğədəğən* ilon be. In hadisə sıxandə de Korona vayresi qoroş be əmmo həmonə haftədə İronı çand qılə tip nizamiyə ğıvvonku de Tolışıstoni sərhədon nezbe bə Tolışon peştıpurbe qoroş be, əmmo kıve əməs-dərəs.(?)

Əlbəttə ki Boku hukomət de Telavivı cəsoson kıməqəti ve rə ın pılanıku oğo be iyən Tolışə şəhərondə şe-ome ğədəğən ilon kardışone. Həmonə rujədə ki Boku iyən Paşinyanı arədə sulh ğəror imzo bedəbe 2020-nə sori Noyabrə manqi 9-ədə Boku əmniyəti ğıvvon çı Tolışon qıləy siyasi yolə lideron Fəxrəddin Əboszodə* zindondə kışdışone.

Tolışə xəlği əməson, dərəson, ağılmandon iyən oğobə kəson! oğo bıbənən ki Tolışon qırğıni (Genocide) pıroqram hejo bə nav şedə.

İsa Tolış
Offenbach am Main