Masali rayoni qazi dastqo ( idarə) koəkon çand ruje idarə bina vədə noroziyəti kardən. Koəkon ıştə 3 manqe ıştə həlolə mıjdi bə dast səy zındənin. Ko bımədəy ki, Tolışstoni har ğaz vəşə dionədə ğazə puli navbənav qırdə kardən. Iştənən koəkon i manqnəni 250 dısa penco manat mıjdi vırədə 150 manat pul bə dast səydən. Masalli rayoni ğazi dastqoədə 80 nəfər koəkə bə İcra hukməti roti və qırdə bıən.

Çe Masali rayoni ğazi dastqo yol Xalid Həsənov Valeh zoə çe koəkon ım noroziəti hiç qılə həxışon ni, votəşe. De çəy votəy əvon ıştə puli bə əvon doə karti bəpe bısənon, mande çe əvon dıminə kardt binim de doyənə dastqo anqıle, əvon ıştə ğarzışon bə doyənə dastqo erosniyəşon ni. Bə rayoni icra sərdorəti roti və şey əyo ıştə noroziyəti nişo doy piə koəkon nav, polison pebıryəşone.

Çe ğazi dastqo sərdori Xalid Həsənov Valeh zoə həni boçi bə koəkon 250 manati vırədə 150 manat mıjdi doy barədə hiç çi votəşni. Çoknəy bıvoto, oxo əv ım puli de pentono nıştə pulxoron i vırədə hardə. Tolışə zəminədə bo tolışon divon qətedən, çe tolışon vanqi i xonəxo məsedəni ya məseş pidəni. Tolışə milləti perəxə ruj çe əvon ıştən dastədəy. Ro iqləy, ıştə dəvlətmədorəti sunon bərpo karde. Co ro ni. Xıdo bə tolışə milləti koməq bıko.